कैलालीको टीकापुर नगरपालिकामा तालाबन्दी
कैलाली –कैलालीको टीकापुर नगरपालिकामा तालाबन्दी गरिएको छ । वडा नम्बर १ वनगाउँवासीले वडा विभाजनको विषयमा असहमति जनाउँदै बुधबार नगरपालिकामा तालाबन्दी गरेका हुन् ।
उनीहरुले नगरपालिकाको हालको वडा नम्बर १ लाई कम्तिमा ६ वटा वडा बनाईनुपर्ने माग राखेका छन्। नगरपालिकाले भने राजनीतिक दलको सहमति भन्दै वडा नं. १ लाई ५ वडामा विभाजन गर्ने तयारी थालेको छ ।
९ वटा वडा रहेको टीकापुर नगरपालिकाले वडा नम्बर १ लाई ५ र वडा नम्बर २ लाई २ वटा वडामा विभाजनको तयारी गरिरहेको छ ।
वनगाउँमा थारु समुदायको बसोबास रहेको छ । उनीहरुले नगरपालिकाले आफूहरुलाई अल्पमतमा पार्ने षडयन्त्र अनुसार वडा विभाजनको काम अघि बढाउको आरोप लगाएका छन् ।
प्रकाशित मिति: बुधबार, असार १६, २०७८ १२:२६
प्रतिक्रिया दिनुहोस्
थप बैतडी
साताको लोकप्रीय
