कांग्रेस केन्द्रीय समिति बैठक स्थगित
काठमाण्डौ – नेपाली कांग्रेसको केन्द्रीय समितिको बैठक स्थगित भएको छ ।
प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएपछि कांग्रेस केन्द्रीय समितिको बैठक स्थगित भएको हो ।
बैठक अब आउँदो साउन २ गतेदेखि बस्ने नेपाली कांग्रेसले जनाएको छ । कांग्रेसको विधान अनुसार केन्द्रीय समिति बैठक हरेक दुई÷दुई महिनामा बस्नुपर्ने भए पनि एक वर्षदेखि बैठक बस्न सकेको छैन ।
यसअघि गएको वर्ष असार २७ गतेदेखि साउन २ गतेसम्म केन्द्रीय समिति बैठक बसेको थियो ।
प्रधानमन्त्री प्रचण्डकी पत्नी सीता दाहालको ६९ वर्षको उमेरमा बिहान नर्भिक अस्पतालमा निधन भएको हो ।
प्रकाशित मिति: बुधबार, असार २७, २०८० १०:५३
प्रतिक्रिया दिनुहोस्
