अछाम-अछाममा मलामी   बोकेको ट्याक्टर दुर्घटना हुँदा एक जनाको  मृत्यु भएको  छ भने २३ जना घाइते भएका छन् ।  जिल्लाको पन्चदेवल नगरपालिका ४ कालिकास्थान भन्ने ठाउँमा ट्याक्टर   दुर्घटना हुँदा १ जनाको मृत्यु भएको हो ।

ट्याक्टर  दुर्घटनामा परी २३ जना घाइते भएका छन् । २३ मध्ये ४ को अवस्था गम्भिर रहेको छ भने १९ जनाको अवस्था सामान्य रहेको सुदूरपश्चिम प्रदेश ट्राफिक प्रहरी कार्यालयले जनाएको छ । 

पञ्चदेवल नगरपालिका ४ कै ६० बर्षिय जहरी कामीको लास लिएर घाट तर्फ जाँदै गर्दा भे १ त ६७५६ नम्बरको ट्याक्टर दुर्घटना भएको हो । दुर्घटनामा परी सोही ठाउँका २२ बर्षिय बृख बिकको घटनास्थलमै मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।