कैलाली –कैलालीको गोदावरी नदीमा फसेका ६ जनाको उद्दार गरिएको छ । सोमवार राति अचानक आएको बाढीका कारण नदीको बीच भागमा फसेका ६ जनाको उद्दार गरिएको हो । 

सोमबार राति साढे १० बजेको समयमा आएको बाढीका कारण फसेकाहरुको ११ बजे राति उद्दार गरिएको इलाका प्रहरी कार्यालय मालाखेतीले जनाएको छ । इलाका प्रहरी कार्यालय मालाखेतीबाट प्रहरी निरिक्षक रबिन्द्रसिंह कार्कीको कमाण्डमा ११ जनाको प्रहरी टोली, नेपाली सेना, सशस्त्र प्रहरी र स्थानीयको सहयोगमा नदीको बीच भागमा फसेकाहरुको उद्दार गरिएको बताइएको छ ।

प्रहरीले नदीमा फसेकाहरुमा ५ जना पुरुष र १ जना महिलागरी ६ जनाको उद्दार गरेको हो । नदीमा फसेकाहरुको सकुसल उद्दार गरिएकाले मानविय क्षति नभएको प्रहरीले जनाएको छ ।