मकवानपुरमा पहिरोले घर बगाउँदा एक जनाको मृत्युु, ५ जना बेपत्ता
मकवानपुर – मकवानपुरको बाग्मती गाउँपालिका–५ मा पहिरोले घर बगाउँदा एक जनाको मृत्यु भएको छ । पाँच जना बेपत्ता भएका छन् ।
लगातारको वर्षाका कारण पूर्वी मकवानपुरको बाग्मती गाउँपालिका–५ भोर्लेनीमा पहिरोले घर बगाउँदा बेपत्ता ६ जनामध्ये उद्धार गरिएकी सञ्चमाया स्याङ्तानको मृत्यु भएको वडाअध्यक्ष विजयकुमार भ्लोनले जानकारी दिए ।
उनका श्रीमान्, छोरी ज्वाइँ र नातिनातिना पहिरोमा बेपत्ता भएका छन् । बेपत्ताको खोजीका लागि प्रहरी टोली खटिएको जिल्ला प्रहरी कार्यालय मकवानपुरका प्रवक्ता टेकबहादुर कार्कीले जानकारी दिए । सुतिरहेका बेला गएराति पहिरोले घर बगाएको हो ।
प्रकाशित मिति: मंगलबार, साउन २३, २०८० ०९:५७
प्रतिक्रिया दिनुहोस्
