बैतडी- बैतडीका गायक गोपाल विष्टको हितैकी रानी बजारमा आएको  छ ।  जिल्लाको   पाटन नगरपालिका  वडा नं ४ ढकाली  गोलदेउ घर भएका गायक विष्टको देउडा गीत हितैकी रानी बजारमा आएको  हो ।

 गायक गोपालकै शब्द सिर्जना र  स्वरमा रहेको यो गीतमा चर्चित लोक गायीका पूर्णकला बिसीले स्वर दिएकी छिन् । घरमा श्रीमती,बालबच्चा छाडेर कमाउन विदेशिने युवाहरुको  पिडामा आधारित   यो गीत  गत बिहीवार ध्वजमहराको युटुव च्यानलबाट सार्वजनिक भएको हो ।

 रोजगारीको सिलसिलमा लामो  सयम दक्षिण कोरिया बसेका विष्टको यो पाँचौ साँगीतकि कोसेली हो । पूराना गायकका रुपमा चिनिने  विष्टले पहिलो पटक भिडियो सहितको  देउडा गीत बजारमा ल्याएका हुन् । हितैकी रानी देउडा गीतको  भिडियोमा गोपाल विष्ट, प्रियङका कुँवर, हिरा विष्ट र दिनेश विष्टको मुख्य अभिनय रहेको  छ ।

यो गीतको भिडियोमा पाटनकै दृश्यहरु  देखाइएका छन । आफ्नै  गाउँ ठाउँका दृश्य देखाएर  तयार पारिएको गीतमा  स्थानीय महिला पुरुषहरुले  कृष्ण मावि पाटनको प्राङ्गणमा खेलेको देउडा खेलले भिडियो अझ उत्कृष्ट देखिएको छ । फूल हजारी देउडा गीत गाएर सांगीतिक यात्रामा पाइला टेकेका विष्टले  कान्ति, भाईबहीनि,  रानी बन घसारी लगायतका गीत बजारमा ल्याइ सकेका छन् । दर्शक स्रोताको माया मिलि रहेकाले अगामी दिनमा पनि गीतहरु बजारमा ल्याउने गायक विष्टले  बताए । 

भिडियो सहितको   गीत हेर्न यो लिंकमा थिच्नुहोस  https://www.youtube.com/watch?v=F-JmPS5Q6JM