भैंसी बोकेको ट्रक पल्टिँदा १७ भैंसी र पाडा मरे
नवलपुर –नवलपुरमा भैँसी बोकेको ट्रक पल्टिँदा भैँसी र पाडा मरेका छन् । पूर्वपश्चिम राजमार्ग अन्तर्गत नवलपुरको कावासोती १६ चालिस किलो भन्ने स्थानमा ट्रक पल्टिँदा १७ भैँसी र पाडा मरेका हुन् ।
कपिलवस्तुको चनौटाबाट काठमाडौं जाँदै गरेको ना ४ ख ९२२७ नम्बरको ट्रक मंगलबार बिहान सवा ६ बजेतिर खाल्डोमा परेर पल्टिएको नवलपुर प्रहरीले जनाएको छ ।
भैँसी र पाडा लोड गरी काठमाडौं जाँदै गरेको ट्रक पल्टिएको हो । ३६ वटा भैँसी र पाडामध्ये १७ वटा मरेका नवलपुरका प्रहरी नायब उपरीक्षक वेदबहादुर पौडेले बताए । १९ वटा भैँसी र पाडा भने जीवितै छन् । दुर्घटनामा मानवीय क्षति भने नभएको प्रहरीले जनाएको छ ।
प्रकाशित मिति: मंगलबार, भदौ १२, २०८० १६:३६
प्रतिक्रिया दिनुहोस्
