कैलालीमा हातहतियार र गोलीगट्ठासहित चार जना पक्राउ
कैलाली –कैलालीमा हातहतियार र गोलीगट्ठासहित चारजना पक्राउ परेका छन् । बुधवार राति जिल्लाको लम्कीचुहा नगरपालिका वडा नम्बर १ भुरुवाबाट उनीहरु पक्राउ परेका हुन् । पक्राउ पर्नेमा अर्जुन बिक, रामचन्द्र चौधरी, नरेश डगौरा र सचिन चौधरी रहेका प्रहरीले जनाएको छ ।
लम्कीबाट गस्तीमा खटिएको प्रहरीले कुन्तिखेत जानेबाटो भेटिएका उनीहरुबाट हातहतियार गोलीगट्ठा बरामद गरेको हो ।उनीहरुबाट प्वाइन्ट २२ हर्नेट(बन्दुक) नाल १ ,सोको म्यागजिन थान १, गोली १५ राउण्ड, बारुद ५ ग्राम फेला पारेको थियो । उनीहरूलाई नियन्त्रणमा लिई अनुसन्धान शुरु गरिएको प्रहरीले जनाएको छ ।
प्रकाशित मिति: बिहीबार, भदौ १४, २०८० ०८:३४
प्रतिक्रिया दिनुहोस्
थप कैलाली
लोकप्रीय
