बझाङमा जंगली च्याउ खाँदा बिरामी भएका किशोरको पनि मृत्यु
बझाङ –बझाङमा जंगली च्याउ खाएका एक किशोरको पनि मृत्यु भएको छ । जिल्लाको जयपृथ्वी नगरपालिका–६ नौराका १२ वर्षीय सुदीप कठायतको मृत्यु भएको प्रहरीले बताएको हो ।
जिल्ला अस्पताल बझाङमा उपचार सम्भव नभएपछि बिहीवार राति धनगढी लैजाँदै गर्दा डडेल्धुरामा नै उनको मृत्यु भएको जिल्ला प्रहरी कार्यालय बझाङले जनाएको छ ।
जङ्गलमा भेटिएको च्याउ खाँदा एकै परिवारका तीन जना बिरामी परेका थिए । आमा पुनी कठायतसहित उनका छोरा सुदीप र छोरी एन्जिला बिरामी परेका हुन् ।
७ वर्षीया एन्जिलाको बिहीवार नै थप उपचारको लागि धनगढी लैजाँदै गर्दा मृत्यु भएको थियो भने सुदीपको पनि हिजो राति नै मृत्यु भएको छ । आमाको अवस्था भने सामान्य रहेको जनाइएको छ ।
प्रकाशित मिति: शुक्रबार, भदौ १५, २०८० ०८:३९
प्रतिक्रिया दिनुहोस्
लोकप्रीय
